LAOAG CITY – Dakkel ti nagbabaan dagiti nairekord a kaso ti monkeypox iti pagilian ita a tawen basar iti Department of Health (DOH).
Manipud Enero 4 agingga Hunio 13, nakairekord ti ahensia ti 44 a kaso a nababbaba ti 79% maidasig iti 205 a kaso iti kapada a panawen idi 2025.
Inbatad ni Department of Health spokesperson Undersecretary Albert Domingo nga awan ti outbreak wenno panagngato ti bilang dagiti kaso iti agdama iti baet dagit naipadamag a local detections.
Kunana a saan nga iruar ti Department of Health ti detalye dagiti indibidual a kaso tapno maliklikan ti stigma ken maprotektaran ti privacy dagiti pasiente.
Nagpalagip ti ahensia iti publiko nga agtalinaed nga agannad gapu ta ti monkeypox ket mabalin a maiyakar iti babaen ti asideg a physical contact iti maysa nga indibidual a nakaptan.
Mabalin a mangiparuk-at ti bukud nga health advisories dagiti lokal a gobierno basar iti situasion iti sakupenda a lugar.
