LAOAG CITY – Apagapaman a ngimmato ti nairekord a kaso ti water-borne, influenza, leptospirosis, ken dengue (WILD) diseases ti siudad iti Manila.
Basar iti datos nga inparuk-at ti Manila Health Department (MHD) a manipud idi Enero 1 agingga Agosto 5, 2026 ket addan ti 78 a kaso ti COVID-19 kalpasan a manayonan ti maysa a baro a kaso.
Dimmanon iti 120 ti bilang dagiti nagsakit iti leptospirosis kabayatan a nairekord ti tallo a baro a kaso iti daytoy ken dimmanon iti 2,142 ti nagsakit iti dengue iti pakabuklan ti siudad no sadinno 18 kadagitoy ket nairekord iti napalabas nga aldaw.
Basar pay iti datos ti Manila Health Department (MHD) a 61 ti naaddaan ti typhoid fever, 272 ti kaso ti Severe Acute Respiratory Infection (SARI), agtalinaed met a tallo ti bilang ti kaso ti cholera ken umabot iti 869 ti nairekord a kaso ti Influenza-Like Illness.
Kabayatanna, agtultuloy ti pakdaar ti local a gobierno ti Manila ken ti Manila Health Department (MHD) iti publiko nga agannad ita a panawen ti panagtudo tapno maliklikan ti agsakit.
