LAOAG CITY – Ituloyen ni King Charles III ti public engagements-na inton sumaruno a lawas.
Basar iti Buckingham Palace, kagiddan ti panagimbag ti salun-atna nupay man dimmalan daytoy iti panagagas gapu iti kanser.
Inlawlawagda a saan pay a buo ti nasao nga official engagements ken limitado laeng daytoy.
Mangrugi daytoy inton aldaw ti Martes iti babaen ti symbolic trip iti cancer treatment center.
Sumagmamano kadagiti plano daytoy ket ti state visit ken ti panag-host-na iti bumisita nga Emperor ken Empress ti Japan.
Kabayatanna, agpapan iti daytoy a gundaway ket saan pay nga inbutaktak ti Buckingham Palace no ania a klase ti kanser ti kimmapet iti ari.
