LAOAG CITY – Imbitaran ti konseho iti ili ti Dingras ti management iti Ilocos Norte Electric Cooperative (INEC).
Daytoy ti inbatad ni Vice mayor Erdio Valenzuela iti ili ti Dingras.
Segun ken ni Valenzuela, kalikagom da a malawlawagan dagiti reklamo dagiti umili mainaig iti nangato a singir iti kuryente.
Innayon na a kayat da nga ilawlawag a naimbag ti kooperatiba no kasanu ken apay a nagdakkel ti ngimatoan ti singir iti kuryente ditoy probinsya.
Saanen a naibaga ti bise mayor no kaano ti panangimbitar da iti INEC ngem possible nga iti kabiitan a panawen.
