LAOAG CITY – Ad-adda pay iti pannakapapigsa ti koordinasion ti lokal a gobierno ken dagiti barangay ditoy ciudad ti Laoag.
Daytoy ket iti babaen iti pannakaipatungpal ti Barangay Information Management Monitoring System (BIMMS) para iti al-alisto a koordinasion ken pannakaipaay dagiti nagduduma a programa ti gobierno siudad usar ti teknolohia .
Paset daytoy ti automation a programa ti siudad para kadagiti amin a barangay tapno masigurado ti naannayas a serbisio kadagiti bumarangay.
Immuna a naipatungpal ti rice distribution program a pannakaiyenrol dagiti kwalipikado a benepisario iti City Social Welfare and Development.
Ar-aramiden daytoy ti gobierno siudad kas paset ti alisto a serbisio ken ti panagbalin ti Laoag kas “Smart City”.
Ti aktibidad nga ipatpatungpal ti administrasion ni Mayor James Bryan Alcid ket babaen ti City Planning and Development Coordinator, City Information and Technology Office ken dadduma pay nga opisina ti gobierno siudad.
