LAOAG CITY – Nakagun-od ti world record ti maysa a lalaki idiay Las Vegas, U.S.A. gapu iti kabaelanna nga eye sockets daytoy nga agguyod kadagiti nadadagsen a banag.
Kinumpirmaran ti records keeping organization a Guinness World Records a ni Andrew Stanton ti baro a record holder ti titulo nga “Heaviest Weight Pulled with Eye Sockets.”
Daytoy ket kalpasan a kinabaelanna a guyuden ti maysa a lugan a Cadillac nga adda pay ti nakalugan a maysa a tao iti babaen laeng ti panangisab-it ti metal hook iti agsumbangir nga eye sockets. Adda ti kadagsenna daytoy a 5,319 pounds.
Malaksid iti daytoy, naawat met ni Stanton ti titulo nga “Heaviest Weight Lifted with Both Eye Sockets while Swallowing a Sword’ kalpasan a naguyodna ti Assistant-nga addaan ti kadagsen nga 129 pounds kabayatan nga adda ti tiltilmonenna nga espada.
