LAOAG CITY – Naideklarar ti agtawen ti 98 a British World War II veteran kas kataengan a wing walker iti lubong kalpasan a kinabaelan na ti nagtakder iti tuktuk ti agtaytayab nga eroplano idiay England.
Nagpaot ni Harry Heasman iti nasurok a 9 a minuto iti tuktuk ti eroplano nga addaan ti kangato a 1,000 feet.
Inyawat a dagus ti Guinness World Records adjudicator ti sertipkasyon ken ni Heasman kas world’s oldest wing walker.
Inbatad ni Heasman a daytoyen ti arapaap na sipud idi ubing paylaeng, ngem para kenkuana ket saan pay a naladaw ti panagballigi da iti baet nga agtawenen ti 98.
Naamoan a nagpaot ti 11 a bolan ti panagsanay ken panangisagana ni Heasman ti bagi ken panunot na para iti nasao nga attempt.
Ti record attempt ni Heasman ket nakaukkon ti kwarta a para iti Lennox Children’s Cancer Fund ken nagserbi kas tribute iti asawa ken anak na a lalaki, nga agpada a pimmusay gapu iti sakit a cancer.
Ni Heasman ti pammaneknek nga awan pulos ti pannakaladaw ti pananggun-od ti balligi.
