LAOAG CITY – Naburak ti maysa a lalaki manipod iti South Carolina ti Guinness World Record para iti kaadoan ti koleksyon ti medyas.
Inbatad ni Darryl Parker, residente iti North Augusta ken retirado a firefighter ken paramedic, a rinugyan na ti nagkolektar ti medyas kalpasan a naregalwan iti Father’s Day.
Kuna na a sipud idi ket makaaaw-awaten ti regalo a medyas aniaman ti okasyon a selebraran da.
Segun kenkuana, ad-adda a ti asawa na ti maragragsakan gapu iti nakaad-ado a medyas na nga umabot iti 2 ribo no sadinno nga inlungalong met dagiti appoko na nga ipadas na ti makipaset iti Guinness World Record.
Ti dati a rekord ket iggem ni retired CBS Philadelphia news anchor Jim Donovan, a ti koleksyon n ket 1,531 unique pairs idi 2025.
Inrakurak ni Parker nga iti baet a naburak na ti Guinness World Record gapu iti kaado ti koleksyon na a medyas ket itultuloy na latta ti agkolektar.
