LAOAG CITY – Natiketan ti maysa a lalaki gapu iti gandat a panangilusot na ti inlugan na a baboy a mapan iti ili ti Sinait.
Daytoy ket kalpasan a nasita daytoy kabayatan ti checkpoint dagiti kameng ti PNP Badoc iti Brgy. Turod iti nasao nga ili.
Segun kenni Police Major Joseph Tayaban, hepe ti PNP Badoc, umabot iti 2,500 a pisos ti balur ti naipaay a ticket iti lalaki a residente iti Brgy. Cabarambanan.
Kuna na nga awan ti naipakita a dukomento ti lalaki kas ti antigen test result, ken dagiti dukomento manipud iti Provincial Veterinary Office.
Naamuan a ti maysa kadagiti kalsada iti Brgy. Turod, Badoc ket adda ti agturong iti ili ti SInait, Ilocos Sur no sadino nga iti laeng kuma Border Control ti mabalin a pagserrekan ken pagruwaran ditoy probinsya.
