LAOAG CITY – Naitaray iti ospital ti maysa a lalaki kalpasan a naidungpar ti inturong na a motorsiklo iti kotse iti paset ti Brgy. 16 iti ili ti San Nicolas.
Basar iti nakalap nga impormasyon ti Bombo Radyo Laoag manipod iti saanen a nagpabigbig a nangiturong ti kotse, naggapo da iti pamilya na ditoy siudad ti Laoag ken agawid da koman iti ili ti Badoc.
Nu pay kasta, inbatad na a bayat a daldalyasaten da ti kalsada ken agturong iti abagatan ket kellaat nga adda ti naglibag iti likudan ti kotse.
Kuna na a dita a nakita na a dinungpar ti motorsiklo ti lugan da ken nadadael iti likod a paset daytoy.
Patien ti driver ti kotse nga adda iti impluwensya ti nasanger ti nangiturong ti motorsiklo ken nadakamat daytoy a nairidep na bayat nga agmanmaneho rason a naidungpar.
Agpapan a maisursurat ti damag ket awan pay ti detalye nu kasano ti sitwasyon ti driver ti motorsiklo.
Kabayatanna, plano ti driver ti kotse a makapagsasarita da para iti pannakatarimaan ti nadadael a lugan na.
Developing story…..
