LAOAG CITY – Maysa nga skateboarder ti nagballigi iti panagdalyasatna iti intero nga Estados Unidos usar laeng ti skateboard-na iti uneg laeng ti 57 nga aldaw.
Ni Chad Caruso a dimmalyasat manipud iti Venice Beach, California agingga iti Virginia Beach, Virginia usar ti skateboard-na iti pakabuklan a 3,162 miles.
Iggemna laeng ti bassit a backpack, napasaranna ti nakaro a pudot ti disierto, bannog ken dagiti aberya kas ti pannakaibos ti danom ken pannakaperdi ti sapatosna.
Kalikagum ni Chad nga itandudo ti pannakaisuro maipanggep iti drug addiction ken mental health.
Iti baet dagiti physical injuries a sinagabana iti panag-skateboard iti adayo a distansia, saan daytoy a simmuko ken inaramidna nga inspirasion ti bukudna nga estoria iti panangbangon manipud iti dakes nga aramid iti maipawil nga agas.
