LAOAG CITY – Maysa a lalaki idiay Brazil ti nakagun-od ti world record gapu iti flexible a sakana.
Kinumpirmaran ti records keeping organization a Guinness World Records a ni Renato Bayma Gaia ti baro a record holder ti titulo a “Largest Foot Rotation” gapu iti kabaelanna nga ipuligos ti sakana iti 210.66 degrees.
Segun ken ni Renato, naduktalanna ti naidumduma a talentona idi ubing pay daytoy. Awan idi ti ubrana idi naammoanna a kabaelanna nga ipuligos iti agsumbangir a direksion dagiti sakana.
Kunana nga idi damo ket saanna pay nga ammon a naidumduma daytoy a talento agingga idi inpakitana kadagiti pagayamna ket ditoy a nakigtotda kenkuana gapu ta isuna laeng ti makaaramid iti kastoy.
Sipod idin, inladawanda isuna iti Brazilian mythological character a ni ‘Curupira’ no sadino ni Curupira ket karakter manipod kadagiti estoria ti ili iti Amazon a baliktad dagiti saka.
