LAOAG CITY – Maysa a free diver manipud idiay Egypt ti nangipakita ti laingna iti Red Sea kalpasan a nakagun-od ti baro a Guinness World Record para iti titulo “Most pull-ups under open water with one breath.”
Ni Ramy Abdelhamid, agtawen ti 36 ket nagbatok iti diretso nga adda ti kaunegna a 29 feet ken 6 inches tapno magun-od ti naka-setup a pull-up bar iti uneg ti baybay.
Naammoan nga arig al-alisto ti panangisayangkat ti pull-ups iti uneg ti danum gapu iti buoyancy, inadmitir ni Abdelhamid a ti pudno a pannubok ket ti panangiduron nga agsubli nga agpababa kalpasan iti kada ngumato.
Kunana nga inaramidna ti amin kabayatan a mangnamnama laeng iti maysa a panaginana iti uneg ti siam a metro.
Iti baet ti karit, naaramidna a makumpleto ti 33 a pull-ups sakbay a ngimmato ken umdas tapno maala ti Guinness World Record.
Iti napalaos a kinaragsakna, masdaaw ni Abdelhamid iti baro a titulona ken maysa daytoyen a nakasurat iti pakasaritaan ti Guinness World Records iti tay-ak ti diving.
