LAOAG CITY – Naarestar ti maysa a lalaki gapu iti estafa iti Barangay 1, San Lorenzo ditoy siudad ti Laoag.
Nabigbig ti suspek a ni Alan Basos Calma, adda iti umno a tawen, awanan asawa ken residente ti Barangay 48-B Cabungaan ditoy siudad ti Laoag.
Inbatad ni PSSgt. Seymour Belarmino, Duty Desk Officer ti Laoag City Police Station, balligi a natiliw ti suspek babaen iti bileg ti Alias Warrant of Arrest nga inyisyu ni Presiding Judge Ezperanza Paglinawan-Rozario ti Regional Trial Court, Branch 44 iti siudad ti San Fernando, Pampanga gapu iti panaglabsingna ti Estafa a napetsaan idi Oktubre 26, 2011 nga adda ti nairekomendar a pagpiyansana nga 60 a ribu a pisos.
Kunana a ti akusado ket karaman iti Enhance E-Warrant System ken National Police Clearance System.
