LAOAG CITY – Balligi a naarestar ti maysa a lalaki iti naiwayat a drug buy-bust operation iti Barangay Guerrero iti ili ti Dingras.
Ti suspek ket agtawen ti 24, awanan asawa ken residente iti ili ti Dingras.
Nakumpiskar manipud iti suspek ti 4 a heat-sealed transparent plastic sachet a naglaon ti white crystalline substance, 1 folded knife, 1 matchbox, 1 black pouch, 1 empty magazine para ti cal.45, 1 yellow lighter, 1 unit cellphone black Vivo Y20 ken 1 a genuine PhP 1,000.00 bill a nausar kas buy-bust money.
Basar kadagiti otoridad, naitaray ti suspek iti Dingras Hospital para iti medical examination ken naikabil daytoy iti kustodia ti Dingras Municipal Police Station para iti naan-anay a dokumentasion sakbay ti pannakaipila ti kaso mainaig iti panaglabsingna ti Sec 5, 11, ken 12, Art II ti Republic Act 9165 wenno ti Comprehensive Dangerous Drugs Act of 2002.
