LAOAG CITY – Maysa a lalaki idiay Nigeria ti nangiyuswat ti “read-a-thon” no sadinno nagbasa isuna ti adu a libro nga awan sardengna iti uneg ti walo nga oras para iti Guinness World Records.
Kinumpirmaran ti records keeping organization a Guinness World Records a ni Samson Ajao ti baro a world record holder ti titulo a “Longest Marathon Reading Aloud.”
Daytoy ket kalpasan a nagbasa kadagiti libro a saan a nagsarsardeng iti uneg ti walo nga aldaw.
Tapno bigbigen ti Guinness ti asinoman a nangpadas a magun-od ti nasao a rekord, kasapulan nga agbasa ti napigsa ti challenger kadagiti published works nga awan sardengna.
Mabalin nga aginana ti challenger iti uneg ti lima a minuto iti kada oras a panagbasa.
Iti walo nga aldaw a panagbasa ni Samson, dimmanon iti 100 a libro ti nabasana.
Naammoan a dagiti libro a binasana ket addaan ti topiko maipanggep iti finance, sales, management, leadership, politics, health and mental wellness.
Kuna ni Samson, inaramidna daytoy a rekord tapno itandudo ti literacy development kadagiti agtutubo idiay Nigeria.
