LAOAG CITY – Maysa nga Harvard Law School lecturer ti nakagun-od ti world record kalpasan a nakapag-pull ups daytoy ti 77 a daras iti uneg ti maysa a minuto.
Kinumpirmaran ti records keeping organization a Guinness World Records a ni Adam Sandel ti baro a record holder ti titulo a “Most Pull-ups in One Minute.”
Maikalima a daras idi magun-od ni Sandel ti nasao a world record. Umuna a darasna daytoy a naaramid idi 2016 iti rekord a 51 pull-ups.
Basar iti Guinness, ti titulo daytoy ti maysa kadagiti karigatan a magun-od no sadino rumigrigat a rumigrigat kabayatan nga agpangpangato isu nga arig imposible a magun-od daytoy.
Idi 2020, napukaw ti nagan ni Sandel iti rekord ken naalana daytoy ni Hong Zhongtao ti China iti rekord a 74 a pull-ups. Tapno maisubli kenkuana ti titulo, nag-training iti inaldaw-aldaw iti uneg ti uppat a tawen ni Sandel tapno masaganaan ti record attempt-na.
Iti agdama, manarimaan ti panagsanay ti Sandel tapno abaken ti bukudna a rekord.
