LAOAG CITY – Pimmusay bayat a maag-agasan iti Mariano Marcos Memorial Hospital and Medical Center idiay ciudad ti Batac ti maysa a lalaki kalpasan nga aksidente a nadungpar na ti masya nga aso idiay Bgy. Fortuna iti ili ti Marcos idi rabii.
Nabigbig daytoy a ni Jayson Tabucbuc y Costales, agtawen ti 35 naasawaan,labourer, ken residente iti nasao a lugar.
Segun ken ni P/S/Inps. Joseph Calderon, Hepe ti Pulisya ti nasao nga ili, manarimaan nga agpapaamyan a direksiyon ti biktima luganlugan na ti motorsiklo ngem awan ti helmet na iti paset ti national highway a masakupan ti barangay da idi madungpar na ti aso rason a nadisgrasya.
Kuna ni Calderon a nakita da ti aso iti lugar a nakapasamakan ti aksidente ket posible a nadungpar daytoy ti biktima.
Pinadas da met a binirok ti agtagikua ti nasao nga aso ngem awan ti nangadmitir.
Innayon pay ni Calderon a posible nga adda ti impluwensiya ti nasanger ti biktima gapu ta naggapu iti centro ti nasao nga ili idi maopasaamak ti pannaakadisgrasya na.
Rumrumuar a napakaruan ti ulo na a mabalin a daytoy pay ti rason a bnakatayan na.
Maipalagip nga immuna a naitaray iti Sta Teresita Hospital iti nasao met la nga ili ngem gapu iti estado na isu a naibalakad a maiyakar daytoy.
