LAOAG CITY – Inbilin ti gobierno kadagiti oil company a sumurot iti minimum ken maximum nga ikeddeng iti panag-adjust ti presio ti petrolyo basar ken ni Energy Secretary Sharon Garin.
Daytoy ket kalpasan a pinirmaan ni Presidente Ferdinand Marcos Jr. ti Executive Order No. 110 a nangideklarar ti state of national energy emergency.
Inbatad ni Sec. Garin, saan a konkontrolen ti mismo a presio no diket iti garaw daytoy no sadinno nga adda ti minimum iti rollback ken maximum iti price increase.
Kabayatanna, epektibo ita nga aldaw ti Martes, Abril 21, mangipatungpal ti sumagmamano nga oil companies ti rollback a P24.94 iti diesel, P3.41 iti gasolina ken P2.00 iti kerosene.
Inpetteng ti Department of Energy a kasapulan a suroten ti amin nga oil companies ti naikeddeng nga adjustment, ti rollback ket nasken a maiyataday wenno nasursurok pay iti naikeddeng a pagbabaanna idinto ti panagngato ti presio ket nasken a saan a lumabes iti limitasion.
Immunan a nagpanawagan ni Presidente Marcos nga ipatungpal nga insigida ken buo ti rollback iti baet ti dakkel a kissay iti presio ti langis.
