LAOAG CITY – Inistorya ni Mr. Menchito Yate no kasano ti pannakakuryente ti kaubraan na iti Barangay 7-B ditoy ciudad ti Laoag.
Nabigbig ti biktima a ni Rosendo Tolentino, agtawen ti 20 ken residente iti Barangay Guerrero iti ili ti Dingras.
Segun kenni Yate, bumaba kuma ni Tolentino tapno mangala ti pinta ken ti nagnaan na ket iti galba.
Inbatad na a nakigtot laengen idi bimtak ti transformer kalpasan na ket naregreg ti biktima, ken nakulapnitan ti kudil na.
Gapo iti daytoy, napatulong da ken naitaray ti biktima iti Gov. Roque Ablan Senior Memorial Hospital ditoy ciudad ti Laoag .
Kabayatanna, agtultuloy met ti imbestigasyon seknan iti ti insidente.
