LAOAG CITY – Isagsaganan ti PNP-Vintar ti kaso a panagsalungasing ti RA 10591 ken RA 9165 kontra iti agnagan iti Ronnel Saguid, addaan ti umno a tawen, addaan ti live-in partner ken residente iti Bgy. Bulbulala ti nasao nga ili.
Daytoy ket kalpasan a nagballaigi ti naisayangkat a Search Warrant Operations kontra iti daytoy.
Segun ken ni P/C/Inps. Marlon Padamada Hepe ti Pulisya ti nasao nga ili, naala iti pagtaengan ni Saguid ti 5 a babassit a sachet a naglon iti maatap a marijuana ken lima a bala para iti kalibre 38 a paltog.
Kuna na nga awan ti pakaibilangan a kategorya ni Saguid ngem adda da report nga agpappaputok daytoy iti paltog isu nga inwayatan da ti operasyon.
