LAOAG CITY – Natagbat ti ulo ti agnagan ti Jay Chris Bayudan agtawen ti 42 addaan ti asawa ken residente iti Bgy. Elizabeth iti ili a Marcos.
Kinumpirmaranm daytoy ni Bgy. Chairman Ramon Lopez ti nasao a barangay.
Segun ken ni Lopez, ni Bgy. Kagawad Edito Butay ti nasao met la a barangay ti suspek ti nasao a panagtagbat.
Kuna ni Lopez, saan a nateppelan ti Kagawad ti rikna na kalpasan nga inbaga ti biktima a pagtinikmugen na iti anak na nga agatawen ti 11 gapu laeng iti panangawa na a karkaryaren na daytoy.
Kinumpirmaran pay ni Lopez a ni Bayudan ken problema ti barangay da gapu kadagiti pakairamramanan na nangnangruna no nabartek ngem no saan a nabartek ket maiyarig a natuktukan a bisukol.
Mainaig iti daytoy, makababawi ni Bgy. Kagawad Butay iti pannakatagbat na ti kabarangayan da a ni Bayudan.
Segun ken ni Butay, nagsipnget ti nagkitaan na idi makita na a kalpasan a kinarkarit na daytoy ken saan na nga inkankano ngem idi isaruno na a karkariten ti anak na a menor de edad ken gandat na a dangran ken gandat na a dangran isu a natagbat na.
Kuna na nga agkarruba da laeng ken ni Bayudan isu nga alisto a naala na ti buneng ngem ti bangad na ti inusar na a pinangtagbat iti biktima.
Nupay kasta, kuna ni Butay nga addan ti natalged a kasasaad ti biktima gapu ta saan a nauneg ti sugat na.
Kalikagum ni Kagawad Butay a pagsaritaandanto iti uneg ti barangay ti nasao a pasamak.
