LAOAG CITY – Inlawlawag ti kampo ni Vice President Sara Duterte a ti maipagarop a kaawan ti cash on hand ken bank deposits iti Statements of Assets, Liabilities, and Net Worth (SALN) manipod 2019 agingga iti 2024 ket saanna a kayat a sawen a saan na nga indeklarar.
Segun ken ni Atty. Michael Poa, ti pannakangiwat ti depensa ti Bise Presidente, dagiti nasao nga assets ket nairamn iti “lumped” iti babaen ti kategorya nga “others” iti paset ti personal properties ti SALN.
Inlawlawag na nga imbes a sinaggaysa da nga inlista ket pinagtitipon da ti cash, alahas, ken dadduma pay a personal a sanikua iti maymaysa a line item.
Rimuar ti isyu kalpasan ti panagdengngeg iti House justice committee mainaig ti impeachment complaints kontra ken ni Duterte, no sadinno a naobserbaran dagiti agpanpanday linteg nga awan ti naisina a deklarasyon ti cash on hand wenno bank deposits iti SALN na manipud idi 2019, uray dimakkel ti net worth na manipod iti sumuruk-kumurang a P55 million idi 2019 agingga iti P88 million idi 2024.
Kinumpirmaran met ti SALN custodian ti Office of the Ombudsman a basar iti naisumitir a dokumento, awan ti naisina a nakailistaan ti cash o deposits kadagiti nadakamat a tawen.
