LAOAG CITY – Natay ti maysa a lalaki kalpasan a nagbekkel iti Brgy. Ricarte iti siudad ti Batac.
Nabigbig ti biktima a ni Cristopher Ramelb y Medina, agpapaay iti maysa a Carnival ken residente iti Brgy Callaguip iti nasao a siudad.
Segun ti imbestigasyon dagiti kameng ti PNP, nabirokan ti uliteg ti biktima a ni Constante Ramelb a nakabitin daytoy iti uneg a mismo ti kuarto babaen panagusar na ti waya.
Naitaray ti biktima iti Mariano Marcos Memorial Hospital and Medical Center ti nasao a siudad ngem naideklara a dead on arrival.
Segun ti kabsat ti biktima a ni Reynaldo Ramelb, possible a ti nakaigappuan ti panagbekkel ti biktima ket gapu ti panagsina da ti nobya na.
Iti agdama, agtultuloy ti imbestigasyon ti PNP Batac seknan ti panagpakamatay ti nasao a biktima.
