LAOAG CITY – Isagsaganan ti PNP-Piddig ti reklamo a panagsalungasing ti Art. 177 ti Revise Penal Code wenno Usurpation of Authority kontra ken ni Frederick Mateo, agtawen ti 42 ken residente ti Bgy. 17 Dupitac ti nasao nga ili.
Daytoy ket kalpasan a saan na mailawlawag no apay a nakaarwat ti uniforme a camouflage.
Basar ti investigation ti nasao a cuerpo ti pulisya, nakita da ni Mateo iti tianggi nga adda iti lauden ti municipal auditorium, agarup 50 aging iti 60 a metros ti kaadayauna manipud iti police station, a suspetsado ti tigtignay na bayat a nakaarwat ti pantalon ti militar, “back pack” ti militar ken nangisit a T-shirts nga adaan iti patches ti militar.
Inisigida a nagresponde ti pulisya ket kalpasan nga inimbitar da, nagsaludsudan da daytoy no kameng ti aramada ket awan ti maipakita na nga ebidensiya.
Nagdamag pay ti PNP-Piddig iti detachment ti CAFGU iti Bgy. Vir-Vira ket inbaga da a saanda nga am-ammo daytoy.
Iti agdama ket agtultuloy ti imbestigasyon ti nasao a tao ken nagtalinaed iti kustodyar ti PNP-Solsona iti rason nga awan ti pagbalaudan ti PNP-Piddig
