LAOAG CITY – Maysa a residente ti Tiverton, Rhode Island idiay Estados Unidos ti nakaawat ti Guinness World Record title a “Largest Collection of Energy Drink Cans” no sadinno a dimmanon iti koleksion iti 1,019 a lata.
Segun ken ni Joel Spears, nangruna daytoy nga agkolektar kabayatan nga agreb-review isuna kadagiti energy drinks iti YouTube channel.
Saan a nagbayag, naduktalanna a dimmanonen iti world record ti koleksionna.
Inyestoria ni Spears nga alisto laeng ti panangkolektarna ngem narigrigat ti kapadasanna iti panangisubmitir ti aplikasion iti Guinness.
Kinasapulanna nga i-video ken mangala ti ladawan ti kada lata ken ti panangaramid ti detalyado a listaan.
