LAOAG CITY – Maragsakan ni Sangguniang Panlalawigan Member Roger John Fariñas gapu ta naan-anayen a naipatungpal ti ordinansa nga inpasana idi 2025 kas Konsehal ditoy siudad ti Laoag a pannakaipaay ti nayon a tulong para kadagiti barangay tanod ken chief tanod.
Segun ken ni Bokal Fariñas, umabot iti 1,500 a pisos ti maipaay kadagiti barangay tanod idinto a 1,800 a pisos met para kadagiti chief tanod.
Inbatadna a ti nailatang iti kada barangay ket 20 a barangay tanod karaman ti chief tanod ditoy siudad.
Malaksid iti daytoy, inpakaammo ni Fariñas nga adda pay ti gakatna idi para kadagiti Barangay Health Workers, Barangay Nutrition Scholars ken Barangay Service Point Officers ti makaawat ti insentibo.
Gapu iti daytoy, kinalikagumanna pay nga ipasa daytoy a gakat iti Sangguniang Panlalawigan ngem saan a naaprobaran iti hunta probinsial.
Maipalagip nga inrakurak ni Mayor James Bryan Alcid a naan-anayen a naipatungpal ti ordinansa a pannakaipaay ti nayon a cash benefits kadagiti barangay tanod ken chief tanod ditoy siudad ti Laoag.
