LAOAG CITY – Nakasaganan ti Laoag City General Hospital para iti panangokomadar da kadagiti indibidual a madangran ti paputok iti panangsarabo ti baro a tawen.
Daytoy ti inpakaammo ni Dr. Marsha Lou Wapan, ti mangidadaulo iti nasao nga ospital.
Kuna na nga iti agdama ket awan pay ti naitaray iti ospital a nadangran gapu iti paputok, ken mangnamnama nga agtultuloy daytoy agingga a malpas ti panangsarabo ti baro a tawen.
Inpasigurado na a kompleto ti ramit ken agas a kasapulan da iti panangtaming da kadagiti pasyente da.
Inpakaammo ni Wapan nga adda ti tallo a doktor nga agduty intono rabii iti Laoag City General Hospital.
Malaksid kadagiti madangran ti paputok ket nakasagana pay ti ospital a mangtaming kadagiti dadduma a pasyente nga agkasapulan ti serbisyo medikal.
Maipalagip nga immunan a nagpanawagan ni Mayor James Bryan Alcid kadagiti resident a liklikan a paggaangawan ti panagsindi ti paputok aglalo no nakainom ti arak.
