Inreklamo ni Los Angeles Lakers star LeBron James dagiti game officials kalpasan nga inabak ida ti Denver Nuggets iti 99-101 iti Game 2 ti round 1 playoffs.
Inbatadna a saan a naawagan ti foul ti Nuggets forward a ni Michael Porter Jr. idi nadungparna ti Lakers guard a ni D’Angelo Russel.
Maipalagip a ti buzzer beater shot ni Jamal Murray ti nagbalin a tulbek ti panagballigi ti Nuggets.
Kabayatanna, adda ti 20-point advantage ti Lakers iti maikadua a quarter ngem nagbalin a nakaro ti panangkamat ti Nuggets tapno magun-odda ti panagballigi ken 2-0 iti umuna a round ti NBA playoffs.
