LAOAG CITY – Segun ken ni Provincial Treasurer Josephine Calajate, daytoy ket babaen iti panangidaulo ni Mayor Maximo Cajigal ken dagiti kameng ti Sangguniang Bayan iti nadakamat nga ili.
Inbatadna a dakkel daytoy a pammadayaw para kadagiti umili iti ili ti Badoc a mangipaneknek iti dumurdu-as nga ili.
Inlawlawagna a ti panagtutunos ken panagkaykaysa ket isu ti nagbalin a tulbek tapno in-inut a magun-od ti “Baro a Badoc” nga isu ti tagline iti agdama nga administrasion.
Kunana a napintas ti panagkikinnammayet dagiti opisial iti ilida tapno agturong iti natan-ok a lugar.
Mainaig iti daytoy, kuna ni Mrs. Calajate a ti nadur-as a lokal a gobierno ket babaen iti panagbibinnulig dagiti opisial, otoridad, residente ken dadduma pay.
Innayonna a nagyaman kadagiti amin nga umili nga adda iti likudan ti panagballigi a maipagnakkel iti ili ti Badoc.
