LAOAG CITY – Nagun-od ti Local Government Unit iti ili ti Pinili ti Regional Champion iti Legislative Award 2025.
Daytoy a pammadayaw ket ibilang iti nasao nga ili a sabali manen a balligi ken naisangsangayan a pakaidayawan.
Babaen iti daytoy a pammadayaw ket mangipakita iti agtultuloy a panagprogreso iti nasao nga ili.
Gapu iti panagkaykaysa wenno panagtitinnunos iti tunggal maysa kadagiti agpanpanday linteg nga idadauluan ni Mayor Rommel Labasan ken Bise Mayor Maynard Francis Bumanglag iti nasao ili iti rason no apay a nagun-odda daytoy a pammigbig.
Kabayatanna, ti nasao a pammigbig ket pammaneknek iti panangikagumaan, panagtitinnulong ken kinasayaat dagiti kameng ti Sangguniang Bayan nga agtultuloy a mangitag-ay iti nasao nga ili iti gagemda iti nasayaat a panagturay.
