LAOAG CITY – Inadmitir ni Mrs. Mary Jane Leaño, Officer In Charge ti City Tourism Office a dakkel a karit iti kandidata a mangirepresentar ti Laoag City iti Miss Ilocos Norte.
Segun kenkuana, daytoy ket kalpasan iti nagsasaruno a panagkampeon ti Laoag kadagiti nagduduma a kompetision.
Inbatadna a ti pannakaitantan ti Miss Ilocos Norte ket dakkel met a wagas tapno at-atiddog a panagsagana ti kandidatada.
Maipalagip a maitantan ti pannakaisayangkat ti Miss Ilocos Norte gapu iti mapaspasaran nga oil crisis ditoy pagilian.
Kuna ni Leaño a daytoy ket kas ti pammilin met laeng kadakuada ti Provincial Tourism Office.
Innayonna a saan a kayatna a saoen a makanselar ti pannakaisayangkat ti aktibidad no diket mangkitada ti sabali nga aldaw a maiyannatop para iti daytoy.
