LAOAG CITY – Natiliw dagiti lima nga indibidual gapu iti maipagarop a panagay-ayam da ti billiards iti maysa a pasdek ti Barangay 11 ditoy ciudad ti Laoag.
Segun iti Philippine National Police (PNP) iti ciudad ti Laoag, dagiti natiliw a suspek ket agpapada nga addaan iti umno a tawen.
Nakumpiskar dagiti otoridad iti lugar dagiti pagay-ayam iti bilyar ken ti 3,580 a pisos a maipagarop a taya dagiti suspek.
Iti agdama, maisagsaganan ti reklamo a panaglabsing iti Presidential Decree (PD) 705 wenno Illegal Gambling kontra kadagiti nasao a suspek.
Kabayatanna, agpapada a naglikudan dagiti suspek ti alegasyon kadakuada no sadinno a kuna ti maysa a napan laeng iti lugar gapu ta adda ti mapanna singiren.
