LAOAG CITY – Niyalud-od agingga intuno Nobiembre 29 ti maipatpatungpal a lockdown iti Sitio Dungtal, Sitio Karuked ken Sitio Baldias iti Brgy. 23 San Matias ditoy diuad ti Laoag pakairamanan ti Sitio 1 ken 2 iti Brgy. 13 Nra. Sra. de Visitacion ditoy metlaeng siudad.
Daytoy ket babaen iti inparuk-at nga Executive Order No. MMK-069 s2020 ni Mayor Marcos Keon.
Basar iti napirmaan nga E.O maaramid ti nasao nga addang tapno makumpleto ti 14-day quarantine dagiti baro a nagpositibo iti covid-19 kadagiti nadakamat a lugar ken ti agtultuloy a contact tracing kadagiti nakapulapol da.
Mainaig iti daytoy, dawdawaten ti mayor ti pannagi-innawat ken kooperasyon tapno naan-anay a maliklikan ti panagwaras ti virus.
