LAOAG CITY – Maysa a lola idiay Ashiya, Hyogo Prefecture idiay Japan ti nakagun-od ti dua a world record gapu iti tawenna.
Kinumpirmaran ti Guinness World Records a ni Tomiko Itooka ti record holder dagiti titulo nga “oldest living woman” ken “oldest living person” gapu iti tawenna a 116.
Naipasgay daytoy idi Mayo 23, 1908 idiay Osaka, Japan. Naaddaan isuna ti uppat nga annak ken adu nga apoko ken apoko iti tumeng.
Basar kadagiti apokona, nagbalin a napigsa ti lolada gapu ta hiligna nga ag-hiking idi iti Mount Nijo idiay Nara Prefecture no sadinno a naminduan a daras daytoy a naulina ti Mount Ontake.
