LAOAG CITY – Adda dagiti maiwaras a kameng ti pulisya kadagiti amin a pagadalan a pagbotosan intono kaaldawan iti eleksyon.
Daytoy ti inbatad ni Lt. Col. Richmund Tadina, ti Deputy Provincial Director for Administration iti Ilocos Norte Police Provincial Office (INPPO).
Segun ken ni Tadina, addan to dagiti agbantay a pulis iti kada presinto tapno maliklikan dagiti saan a nasayaat a pasamak.
Innayon na a ti kangrunaan a warasan da kadagiti kameng ti pulisya ket dagiti nasusulimek a lugar ditoy probinsya.
Kabayatanna, kuna na a kabinnulig ti PNP ti Philippine Army nga agbantay tapno maipasigurado ti linak, urnus ken talna iti intero a probinsya intono kaaldawan ti panagpipili.
