LAOAG CITY – Naisayangkat ti panagselebrar iti maika-100 a tawen a panagkasangay ni Nana Magdalena Galinato Gamayo iti Plaza del Norte iti ili ti Paoay.
Nagpirma ni Nana Magdalena iti selyo-na ng pagdiriwang ng ika-100 taong kaarawan ni Manlilikaha ng Bayan Magdalena Gamayo.
Mainaig iti daytoy, timmabuno ken iti nasao a programa dagiti opisiales iti ili ti Pinili nga indauloan ni Mayor Rommel Labasan iti ili ti Pinili, pakairamanan ti gobierno probinsial nga indauloan ni Gov. Matthew Marcos Manotoc, Mr. Reden Ulo, mangidadaulo iti Tagapamahalang Konseho ng Gawad sa Manlilikha ng Bayan ken pakairamanan ni Miss Universe 2018 Catriona Elisa Magnayon Gray.
Segun ken ni Sanny May Baoec, apoko ni Nana Magdalena, naimpusuan a panagyamanda kadagiti amin a timmabuno nangruna iti biang ti National Commission for Culture and the Arts a nangorganisar iti pannakarambak ti maika-100 a tawen a panagkasangay ni Nana Magdalena.
Innayonna nga iti laksid ti edadna, makangngeg, makasao, ken makakita pay laeng ni Nana Magdalena, nupay adda dagiti panagbalbaliw iti panagkitana.
Mainaig iti daytoy, kinunana a sipud idi ubing na pay laeng ti panagabel, ti paborito a paglinglingayan ni Nana Magdalena.
Kabayatanna, nagyaman ni Nana Magdalena iti amin a timmabuno ken naayat kenkuana a naki-selebrar iti maika-100 a panagkasangayna.
Kabayatanna, nagyaman ni Nana Magdalena iti amin a timmabuno ken naayat kenkuana a naki-selebrar iti maika-100 a panagkasangayna.
