LAOAG CITY – Balligi a naisayangkat iti Ospital ng Maynila Medical Center (OMMC) ti maikatlo a libre nga angioplasty iti maysa nga agtawen ti 67 a residente ti Manila a rimmuar iti ospital a saan a nagbayad uray umabot iti agarup ₱975,000 ti balor ti nasao nga operasion.
Libre ti naiwayat a procedure a masansan nga agbalor ti ₱800,000 agingga ₱1.5 milyon kadagiti pribado nga ospital.
Ti angioplasty ket maysa a minimally invasive procedure a maus-usar tapno malukatan dagiti barado nga urat iti puso a saanen a kasapulan iti open-heart surgery.
Gapu iti daytoy, al-alisto ti panagimbag ti pasiente ken mabalin daytoy nga agawiden iti uneg laeng ti sumagmamano nga aldaw.
