LAOAG CITY – Manamnama a mangaramid ti rekord iti pakasaritaan ti Brazillian table tennis player a ni Bruna Alexandre.
Daytoy ket gapu ta napili nga agay-ayam iti Olympics ken Paralympic Games.
Segun iti Brazilian Table Tennis Confederation, uppat a Paralympic medals ti nagun-od ti one-armed athlete ken paset ti team a makisalip iti Pari Olympics.
Napukaw ti makannawan a takiagna ti agtawen 29 idi maladaga pay laeng.
Isu ket kapada ti South African runner a ni Oscar Pistorius ken ti Polish table tennis player a ni Natalla Partyka a nakipaset iti Olympic ken Paralympic Games.
Nagbalin ni Partyka a kaubingan a Paralympian iti table tennis a nakipaset iti Sydney Olympics idi 2000 idi agtawen iti 11 ken nagbalin nga immuna a table tennis player a nakisalip iti Olympics ken Paralympics a naangay idiay Beijing idi 2008.
