LAOAG CITY – Awan ti plano ti Malacañang nga imbitaran ni Atty. Nicholas Kaufman ditoy Pilipinas tapno mapagsasaritaan ti isyu ti interim release ni dati a Presidente Rodrigo Duterte.
Daytoy ti rakurak ni Palace Press Officer Undersecretary Claire Castro kalpasan nga inrakurak ni Kaufman iti maysa nga interview a nakasagana daytoy a mapan idiay Manila no imbitaran tapno pagnunumoan iti nasao a banag.
Inbatad ni Castro a silulukat ti Pilipinas kadagiti amin a turista ken sitatallugod nga awaten ti asinoman nga agkalikagum a bumisita kaduada ti pamiliada.
Angaw pay ni Castro, no sumangpet ti abugado, mabalinna nga iparaman dagiti taraon dagiti Pilipino kas ti street foods.
Nupay kasta, inpetteng ti Malacañang nga awanen ti nasken a pagsaritaan mainaig iti interim release gapu ta inbasura daytoyen ti International Criminal Court (ICC) imbes ket nasaysayaat a bisitaen lattan ni Kaufman dagiti nalatak a pagpasiaran ditoy pagilian kas ti Palawan, El Nido ken Manila Zoo.
