LAOAG CITY – Ipaspasigurado ni Executive Secretary (ES) Ralph Recto kadagiti lokal a gobierno ken dagiti ahensia ti gobierno ti naurnos a panangipatungpal ti fuel subsidy kadagiti driver ken fare discount kadagiti pasahero.
Inbatad ni Recto, kasapulan nga agtinnulong ti local government units (LGUs), Department of Energy (DOE), Department of Transportation (DOTr), Land Transportation Franchising and Regulatory Board (LTFRB) ken Department of the Interior and Local Government (DILG) tapno masigurado ti alisto ken naurnos a maipaay ti ayuda.
Karaman iti ipatungpal ti fuel subsidy para kadagiti jeepney ken UV Express driver iti babaen ti Pantawid Pasada Program.
Maaddaan ti 20% discount iti plete dagiti pasahero iti napili a ruta ti jeep ken bus iti babaen ti service contracting program.
Rinugian ita a lawas ti rollout daytoy iti Metro Manila pakairamanan ti Commonwealth Avenue idiay Quezon City sakbay daytoy a palawaen iti dadduma pay a lugar iti pagilian.
Manamnama a mabenepisiaran iti programa ti 50,000 a driver, sumurok 1,000 nga operator ken mapatta-patta a 15 milyon a commuters iti intero a pagilian.
