LAOAG CITY – Inpasigurado ni Davao City Mayor Sebastian “Baste” iti aldaw ti Martes, Setiembre 29, a maamoanna no adda irregularidad kadagiti kontrata nga inserrek ti Davao City Hall, pakairamanan iti GenCorp Industries Inc.
Daytoy ti nagbalin a testimonia ti mayor iti maika-31 nga aldaw ti impeachment trial ti kabsatna a ni Vice President Sara Duterte.
Iti direct examination ni private prosecutor Atty. Theodore “Ted” Te, kinumpirmaran ni Mayor Duterte nga inikkanna ti otoridad ni Atty. Tristan Dwight Domingo, assistant city administrator, tapno agpirma dagiti kontrata iti siudad iti naganna.
Inbatadna nga inawaganna ti assistant city administrator kas representative-na ngem inlawlawagna a saanna ammo ti amin a kontrata a pinirmaan ni Atty. Domingo.
Innayonna pay a nupay adda mangibagbagi kenkuaka, adda latta kadaytoy ti accountability.
Sakbay ti panagsangona iti impeachment court, inbatad ni Mayor Duterte a nagbalin a naurnos ken maitunos iti linteg ti pannakangabak ti GenCorp Industries Inc. kadagiti kontrata ti Davao City nga aggatad ti sumurok P34 million.
Kunana pay nga awan ammona iti maipagarup a paset wenno interest ti kabsatna iti nadakamat a kompania.
Nairekord iti 2024 ken 2025 Statement of Assets, Liabilities and Net Worth wenno SALN ti Bise Presidente ti GenCorp Industries Inc kas maysa iti business interests-na.
Nupay kasta, awan nagan ni Vice President Sara Duterte kas maysa a shareholder kadagiti record ti kompania a naisubmitir iti Securities and Exchange Commission.
Dagiti transaksion ti Davao City iti GenCorp ket paset dagiti ebidensia a tingtingitingen ti prosecution iti Article II ti impeachment complaint kontra ken ni Vice President Sara Duterte.
