LAOAG CITY – Inpasigurado ti Malacañang a nakasagana daytoy a dumngeg kadagiti arungaing dagiti transport sector mainaig iti pinalawa a fuel subsidy.
Daytoy ti sungbat ti Palasyo kalpasan nga inpetteg ti MANIBELA a kurang ti nayon a fuel discount ken limitado latta dagiti gasolinaan a karaman iti programa.
Inbatad ni Palace Press Officer Claire Castro nga idanon kadagiti maseknan nga ahensia dagiti lugar a kasapulan pay a manayonan ti participating gasoline stations tapno ad-adu pay a driver ti mabenepisiaran.
Kuna ti Palasyo a makatulong ti panagngato ti fuel discount manipud ₱10 agingga ₱12 iti kada litro.
Mangrugi ti panangipatungpal ti nayon a subsidy inton Agosto 15 ken agtultuloy daytoy agingga a kasapulan ti transport sector.
