LAOAG CITY – Pimmusayen ni Baby Zach kabayatan a maag-agasan idiay Baguio City idi rabii ti Biyernes, Hunyo 15.
Daytoy ti kinumpirmaran ni Dr. Melvin Manuel, mangidadaulo ti Business Permit and Licensing Office iti gobierno ti ciudad ti Laoag.
Ni baby Zach a taga Brgy. Buttong iti nasao a ciudad ti tinulungan ti gobierno ti ciudad tapno mapaagasan idiay pagilyan nga India.
Segun ti pamilya ti maladaga, libre nga inpaay ti ciudad ti Baguio ti gastos na bayat nga adda iti ospital ngem ti pannaka-opera na idiay India ket gastosen ti pamilya.
Maipalagip nga adda ti inyuswat ti gobierno ti ciudad a fun run ken adda ti ban account na tapno makatulong iti gastosen ni Baby Zach a tallo a milyon a pisos para iti liver transplant.
