LAOAG CITY – Bassit laeng dagiti nagturong iti Commission on Elections wenno COMELEC iti ili ti Pasuquin kagiddan ti maudi nga aldaw ti voter’s registration.
Segun ken ni Ms. Hilaria Agustin, Election Officer iti nasao nga ili, daytoy ti napintas a nagresultaan iti panagsursursorda kadagiti nagduduma a barangay iti ili ti Pasuquin.
Inbatadna a binisitada amin a 33 a barangay tapno maidanon ken alisto ti panagrehistro dagiti kualipikado a botante.
Malaksid iti daytoy, kunana a binisitada pay dagiti pagadalan iti ili ti Pasuquin.
Gapu iti daytoy, adda laeng ti agarup 50 nga indibidual ti namnamaenda nga agturong iti opisinada ita nga aldaw.
Inlawlawagna a saanna met pay a masinunuo ti pinal a datos ti bilang dagiti baro a nagparehistro a kaadoan kadagitoy ket nag-transfer iti pagbutosan.
