LAOAG CITY – Dinillaw ti Palasyo ti Malakanyang ti video presentation iti naiyuswat a senate inquiry.
Inladawan ni Palace Press Officer Claire Castro a mala-drama ti video presentation ni Senador Imee Marcos iti panagdengngeg iti Senado.
Kwinestiyonaran pay ni Castro no apay a saan a kumpleto dagiti naipakita a video.
Kuna na a saan a nairaman iti presentation ti video ti maipagarop a panangharass ti kampo ni dati a Presidente Rodrigo Duterte kadagiti pulis bayat a maiserserbi ti arrest warrant.
Maipapan met iti saludsud ni Sen. Imee no apay nga insuko ti dati a Presidente kadagiti gangannaet, insungbat ni Castro nga awan ti linabsing a linteg gapu ta ti pannakaarestar ni Duterte ket maiyataday iti Republic Act 9851.
Inlawlawag pay ni Castro a kaanuman ket saan a kinalikagoman ti Marcos administration nga agbalin a probinsya ti The Hague ti Pilipinas, uray ti Fujian, China.
Inpetteng ni Castro a ti naaramid iti dati a presidente ket panangipatungpal laeng ti linteg.
