LAOAG CITY – Inpatalged ni Engr. Neil Jose, manager ti Florida Bus Company iti ciudad ti Laoag nga adalen ti main office ti sumaruno nga addang da.
Daytoy ket seknan ti napsamak kenni Baron Geisler ken ti driver ken konduktor ti nasao a bua.
Immuna iti daytoy, maipagarop a binakal ken dinanong ni Baron ti bus ken pabpababaen na ti driver ken binagaan na a paltogan na daytoy tapno isuna ti matay.
Inbatad na a daytoy ket apaman a makapagsasarita ti driver ken konduktor ken ti main office.
Segun kenni Jose, saan pay nga ammo ti main office ti nasao nga insidente.
Innayon na a pagsasaritaan to dagiti maseknan iti main office no iyuli da daytoy a banag wenno kasarita da ti NLEX police seknan ti nasao nga insidente.
