LAOAG CITY – Naarestar ti maysa a mangngalap a maibilang a most wanted person iti ili ti Pagudpud babaen iti bileg ti warrant of arrest gapu iti illegal a panagkalap.
Ti akusado ket maysa a lalaki, agtawen ti 37, naasawaan ken residente ti Barangay Balaoi iti ili ti Pagudpud.
Immunan a naireklamo ti akusado gapu iti panaglabsingna iti Republic Act No. 10654 wenno Philippine Fishery Code.
Nairekomendar ti 12 ribu a pisos a piyansa ti akusado para iti temporario a pannakawaya-wayana.
Iti agdama, nagtalinaed ti akusado iti Pagudpud Municipal Police Station para iti dokumentasion ken physical examination sakbay a maipaima iti korte.
