LAOAG CITY – Nasarakanen ti mapukpukaw a mangngalap iti iti ti Pasuquin.
Ti mangngalap ket isu ni Mr. Joel Domingo a residente ti Barangay 33-B La Paz ditoy siudad ti Laoag.
Inpakaammo ni Dr. Melvin Manuel, ti Laoag City Disaster Risk Reduction and Management Officer a daytoy ket iti babaen ti paagbibinnulig dagiti mangngalap manipud ditoy siudad ti Laoag ken ili ti Pasuquin, Laoag City Disaster Risk Reduction and Management Office (LCDRRMO), Separtment of Public Safety (DPS), pakairamanan dagiti Bureau of Fire Protection (BFP), Philippine Coast Guard (PCG), Rural Health Office (RHU), ken Philippine National Police (PNP).
Segun kenkuana, adda ti kadwa ti mangngalap ngem sakbay da a mapan ket kuna ti kadwana nga urayenna isuna ngem idinto ta agsubli daytoy ket awanen ti nasao a mangngalap.
Nagkalap daytoy iti baet ti Bagyong Kiyapo.
Nupay kasta, iti agdama, addan iti nasayaat a kassaad ti mangngalap ken adda laeng ti panaglabbaga ti matana ken dagiti sumagmamano a gasgas iti sakana.
Kabayatanna, nagpakdaar manen ni Dr. Manuel a no adda dagiti ballaag manipud kadagiti otoridad ket masapul a denggen tapno ti kasta ket maisalakan manipud iti bagyo wenno aniaman a didigra.
