LAOAG CITY – Kumarkaro ti sitwasyon idiay Russia gapu iti agtultuloy a panangtupar ti danom iti ciudad ti Orenburg ken kaparanget na a lugar.
Nagballaag ni Kremlin spokesman Dmitry Peskov a narigat a kontrolen ti dakkel a danom a possible nga agturong pay kadagiti dadduma a rehiyon iti pagilian.
Basar iti report, ngimmato iti 10 a metro ti lebel ti danom iti Ural river nga asideg ti ciudad ti Orenburg.
Maibilang ti mapaspasamak a layos iti rehiyon a kagrabean ken karisgoan iti uneg ti 80 a tawen.
Rinibo a tattao ti napilitan a nagbakwit ken nangpanaw iti balay da iti Southern Russia no sadinno nga inrakurak dagiti opisyal iti kaparanget na a Kazakhstan nga umaboten iti 97 a ribo dagiti evacuees.
Naamoan a ti ciudad ti Orenburg ket addaan ti 550 ribo a populasyon.
